Rəqəmsal İnkişaf və Nəqliyyat Nazirliyi

Azərbaycan Respublikası Rəqəmsal İnkişaf və Nəqliyyat Nazirliyi (RİNN) nəqliyyat, rabitə, yüksək texnologiyalar, innovasiyalar sahəsində dövlət siyasətini və tənzimləməsini həyata keçirən mərkəzi icra hakimiyyəti orqanıdır. Ölkədə rəqəmsal transformasiya sahəsində fəaliyyətin təşkili, əlaqələndirilməsi və həyata keçirilməsi, müasir nəqliyyat sisteminin formalaşdırılması, yeni texnologiyaların tətbiqi, kosmik fəaliyyətin inkişaf etdirilməsi, innovativ sahibkarlığın inkişafının təşviqi, İKT üzrə peşəkar mütəxəssislərin hazırlanmasına dəstək verilməsi nazirliyin prioritetləri sırasında yer alır. RİNN ölkədə telekommunikasiyanın, o cümlədən simsiz texnologiyaların, genişzolaqlı internetin, poçtun, radio-televiziya yayımının inkişafını və radiotezliklərdən səmərəli istifadəni təmin edir. RİNN informasiya təhlükəsizliyinin təmin edilməsi, qlobal kiberhücumların qarşısının alınması, milli elektron informasiya ehtiyatlarının mühafizəsi sahəsində siyasətin hazırlanmasında və həyata keçirilməsində iştirak edir.

Ünvan

77 Zarifa Aliyeva St, Baku 1000, Azerbaycan