• Azərbaycan Respublikasının Konstitusiyasını, Azərbaycan Respublikasının qanunlarını, Azərbaycan Respublikası Prezidentinin fərman və sərəncamlarını, Azərbaycan Respublikası Nazirlər Kabinetinin qərar və sərəncamlarını, Nazirliyin Əsasnaməsini, kollegiya qərarlarını və digər normativ hüquqi aktları, Azərbaycan Respublikası rəqəmsal inkişaf və nəqliyyat nazirinin qərar, əmr və sərəncamlarını rəhbər tutaraq fəaliyyət göstərmək;
• sektorun işini təşkil etmək;
• müvafiq sahənin əsas iqtisadi göstəricilərini təhlil edərək həmin sahənin inkişafının təmin edilməsi və beynəlxalq standartlara uyğunlaşdırılması, müvafiq sahə üzrə göstəricilərin dünya ölkələri ilə müqayisəli təhlillərinin aparılması və həmin göstəricilərin yaxşılaşdırılması ilə əlaqədar təkliflər vermək;
• müvafiq sahə üzrə statistik göstəricilər sisteminin təkmilləşdirilməsinə dair təkliflər vermək;
• müvafiq sahənin göstəriciləri üzrə proqramların hazırlanmasını təmin etmək;
• Nazirliyin struktur bölmələrinin və tabeliyində olan qurumlarının fəaliyyət istiqamətlərinə uyğun təhlillər aparılmasını, həmçinin analitik, müqayisəli və statistik hesabatların hazırlanmasını təmin etmək;
• rəhbərliyin tapşırığı ilə dövlət orqanlarında, işçi qruplarda nazirliyi təmsil etmək;
• müvafiq sahə üzrə konsepsiyalar, dövlət proqramları, strategiyaların və digər normativ hüquqi aktların hazırlanmasında və onların həyata keçirilməsində iştirak etmək;
• Nazirliyin illik fəaliyyətini əks etdirən hesabatların hazırlanmasında iştirak etmək;
• Nazirliyin digər struktur bölmələrinin sorğusu əsasında statistik məlumat dəstəyi göstərmək;
• sektorda çalışan dövlət qulluqçularının mükafatlandırılması və s. fərdi təminatların təmin edilməsinə aid şöbə müdirinə təkliflər hazırlamaq;
• müvafiq sahə üzrə hüquqi aktların, qərar, əmr və sərəncamların layihələrinin hazırlanmasında iştirak etmək və bu barədə təkliflər vermək;
• şöbənin əsasnaməsinə uyğun olaraq rəhbərlik etdiyi sektorda qulluq keçən dövlət qulluqçuları tərəfindən normativ hüquqi aktların, Nazirliyin əmr və sərəncamlarının, kollegiya qərarlarının icrasına nəzarət etmək və onların yerinə yetirilməsini təmin etmək;
• sektora daxil olan məktub, ərizə, şikayət və təkliflərə qanunvericiliklə nəzərdə tutulmuş qaydada baxılmasına və onların vaxtında və düzgün cavablandırılmasına nəzarət etmək;
• şöbənin əsasnaməsinə uyğun fəaliyyət istiqamətləri üzrə rəhbərliyin digər tapşırıqlarını yerinə yetirmək.
• Aylıq vəzifə maaşı 1020

Ümumi müsahibədə aşağıdakı şəxslər iştirak hüququna malikdirlər:

•  
• vakant vəzifəni təqdim etmiş dövlət orqanında və ya digər dövlət orqanında inzibati vəzifələrdə qulluq keçən və inzibati vəzifələrin təsnifatına uyğun ixtisas dərəcəsi olan dövlət qulluqçuları, habelə azı 5 il qulluq stajı olan və dövlət orqanında inzibati vəzifələrdə çalışmış şəxslər;
• “Dövlət qulluğu haqqında” Azərbaycan Respublikasının Qanununun 2.3-cü maddəsində nəzərdə tutulan dövlət qulluğunun xüsusi növündə qulluq (xidmət) keçən və xüsusi, hərbi, diplomatik rütbəsi olan, habelə həmin orqanlarda azı 5 il qulluq (xidmət) stajı olan və xüsusi, hərbi, diplomatik rütbə nəzərdə tutulan vəzifələrdə çalışmış şəxslər;
• Dövlət orqanının ləğvi, dövlət qulluqçularının sayının və ya ştatlarının ixtisarı ilə əlaqədar ehtiyat kadrlar siyahısında olan şəxslər;
• Dövlət qulluğu vəzifəsinin tutulması üçün nəzərdə tutulan təhsil tələbi (istiqaməti) üzrə elmlər doktoru elmi dərəcəsi olan şəxslər.
• ümumi müsahibədə iştirak etmək üçün aşağıdakı sənədlərin skan olunmuş variantı onlayn qeydiyyat zamanı müraciət formasına əlavə edilməlidir:
• ali təhsil haqqında sənədin surəti;
• əmək kitabçasının surəti;
• elmlər doktoru elmi dərəcəsi olan şəxslər elmlər doktoru elmi dərəcəsinin verilməsi barədə təsdiqedici sənədin surətini.
• xüsusi, hərbi və ya diplomatik rütbəyə malik olan şəxslər müvafiq rütbəyə malik olmasını təsdiq edən sənədin surətini.
• ümumi müsahibədə iştirak etmək istəyən namizədlər 6 yanvar 2023-cü il tarixindən 6 fevral 2023-cü il saat 18:00-dək Mərkəzin internet portalında Dövlət qulluğu üzrə müraciət Formasını doldurmaqla qeydiyyatdan keçməlidirlər. Namizəd portala daxil etdiyi məlumatların və sənədlərin aktuallığını və tamlığını təsdiq etməlidir.

• Təhsilə dair tələblər: iqtisadiyyat və idarəetmə ixtisasları qrupu üzrə ali təhsil
• İş stajına dair tələblər: 4 il struktur bölmənin və ya vəzifənin fəaliyyət istiqamətləri üzrə iş stajı
• Kompüter biliklərinə dair tələblər: MS Office, MS Windows, MS Power BI, İnternetdən istifadə(yüksək səviyyədə)
• Xarici dil biliklərinə dair tələblər: İngilis dili-B1;Rus dili-B1;