• sahə üzrə normativ hüquqi aktların layihələrini hazırlamaq;
• Normativ hüquqi aktların layihələrinin məcburi hüquqi ekspertiza rəyini, hüquqi əsaslandırmasını, normativ hüquqi aktın uyğunluq arayışını və müqayisəli cədvəlini hazırlamaq;
• şöbəyə dövlət orqanlarından baxılmaq üçün göndərilən sənədlərin layihələrinə rəy və təkliflər hazırlamaq;
• şöbəyə dövlət orqanlarından, müəssisə, idarə və təşkilatlardan, habelə vətəndaşlardan daxil olan müraciətlərə cavablar hazırlamaq;
• qanunvericilik məsələləri üzrə müəssisə, idarə və təşkilatlardan gələn nümayəndələrin, eləcə də vətəndaşların şifahi sorğuları üzrə məsləhətlər vermək;
• normativ hüquqi aktların hazırlanması ilə bağlı Nazirlikdə yaradılmış komissiyalarda, işçi qruplarında şöbəni təmsil etmək və onların işində iştirak etmək;
• Nazirliyi müəyyən olunmuş qaydada məhkəmələrdə, hüquqi məsələlər üzrə digər dövlət orqanlarında, fiziki və hüquqi şəxslərlə münasibətlərdə təmsil edərək, qanunvericiliyə uyğun hüquqlarını və maraqlarını müdafiə etmək, nazirliyin strukturuna daxil olan və strukturuna daxil olmayan tabeliyindəki qurumları tərəfindən həyata keçirilən hüquqi işlər, o cümlədən hüquqi ekspertiza və normativ hüquqi təminat işlərinin aparılmasında iştirak etmək;
• Nazirliyin fəaliyyət istiqamətləri üzrə yerli, regional və beynəlxalq tədbirlərin, konfransların, təlimlərin, müsabiqələrin, olimpiadaların və digər tədbirlərin keçirilməsi ilə bağlı təkliflər vermək, onların həyata keçirilməsində iştirak etmək;
• şöbənin fəaliyyət istiqamətləri üzrə rəy verilməsində, təhlillər, ümumiləşdirmələr, monitorinqlər və tədqiqatların aparılmasında, analitik materialların hazırlanmasında iştirak etmək;
• şöbənin fəaliyyətinin təkmilləşdirilməsi üçün təkliflər vermək;
• şöbənin Əsasnaməsinə uyğun fəaliyyət istiqamətləri üzrə rəhbərliyin digər tapşırıqlarını yerinə yetirmək.

Müsabiqənin müsahibə mərhələsində aşağıdakı şəxslər iştirak hüququna malikdirlər:

• Dövlət qulluğunun müvafiq vəzifəsi üzrə test imtahanından keçdiyini təsdiq edən dövlət qulluğu sertifikatıqüvvədə olan şəxslər;
• Dövlət qulluğu vəzifəsinin tutulması üçün nəzərdə tutulan təhsil tələbi (istiqaməti) üzrə elmlər doktoru elmi dərəcəsi olan şəxslər;
• Müsabiqənin müsahibə mərhələsində iştirak etmək istəyən namizədlər 13 yanvar 2023-cü il tarixindən  13 fevral 2023-cü il saat 18:00-dək Mərkəzin internet portalında Dövlət qulluğu üzrə müraciət Formasını doldurmaqla qeydiyyatdan keçməlidirlər. Namizəd portala daxil etdiyi məlumatların və sənədlərin aktuallığını və tamlığını təsdiq etməlidir.

• Təhsilə dair tələblər: hüquqşünaslıq ixtisası üzrə ali təhsil
• İş stajına dair tələblər: 2 il struktur bölmənin və ya vəzifənin fəaliyyət istiqamətləri üzrə iş stajı
• Kompüter biliklərinə dair tələblər: MS Office, MS Windows, İnternetdən istifadə (orta səviyyədə);
• Xarici dil biliklərinə dair tələblər: Rus dili-B1;İngilis dili-B1;
• Müsahibədə iştirak etmək hüququ verən sertifikat BA3