RAMMA

"RAMMA" Qapalı Səhmdar Cəmiyyəti 2010-cu ilin dekabr ayında təsis edilmişdir. Şirkətin əsas fəaliyyət istiqaməti ölkədə kənd təsərrüfatı və tikinti sektorlarında aparıcı mövqe tutmaq, bu bazarlarda yüksək səviyyəli müştəri məmnuniyyəti qazanmaq və keyfiyyətli xidmətləri ilə etibarlı tərəfdaş imici formalaşdırmaqdan ibarətdir. Təsis olunduğu tarixdən etibarən "RAMMA" QSC Azərbaycan Respublikasında Koreya, Rusiya, Çin və digər bir sıra qabaqcıl dünya ölkələrinin ağır texnika və avadanlıq istehsalçıları ilə uğurlu əməkdaşlıq münasibətləri qurmuşdur. Şirkət Develon,Shacman, Shantui, Lovol və Solis kimi dünyaca tanınmış brendlərin Azərbaycandakı rəsmi distribütorudur. "RAMMA" QSC bu istehsalçıların məhsulu olan texnika və avadanlıqların ölkəyə idxalı, satışı, həmçinin satılmış texnikalara texniki xidmətin göstərilməsi və ehtiyat hissələrinin təchizatı üzrə fəaliyyət göstərir. Son illərdəki peşəkar fəaliyyəti nəzərə alaraq əminliklə qeyd etmək olar ki, "RAMMA" QSC ölkədə fəaliyyət göstərən “Aqrolizinq” ASC, Ekologiya və Təbii Sərvətlər Nazirliyi, “Bakı Metropoliteni” QSC kimi dövlət və qeyri-dövlət təşkilatlarının həyata keçirdiyi bir sıra iri layihələrin uğurlu iştirakçısı olmuşdur. Xüsusilə, “Azərbaycan Meliorasiya və Su Təsərrüfatı” ASC ilə əldə edilmiş razılaşma çərçivəsində şirkət ölkəyə gətirilən texnika və avadanlıqların təhvil-təslim prosesini həyata keçirmiş, həmçinin həmin texnikalara davamlı texniki xidmətin göstərilməsi və ehtiyat hissələrinin təminatı üzrə öhdəliklər götürmüşdür.

Ünvan

Bakı şəhəri, Qaradağ rayonu, Salyan şosesi 14-cü km.