Azərbaycan Kredit Bürosu

Maliyyə infrastrukturunun mühüm elementlərindən biri olan AKB, 1 yanvar 2026-cı il tarixinə Azərbaycan Respublikasının Mərkəzi Bankı, Azərbaycan Respublikası Daxili İşlər Nazirliyi, Azərbaycan Respublikasının İqtisadiyyat Nazirliyi yanında Dövlət Vergi Xidməti, Azərbaycan Respublikasının Ədliyyə Nazirliyi, Azərbaycan Respublikasının İpoteka və Kredit Zəmanət Fondu, Azərbaycan Respublikasının Əmək və Əhalinin Sosial Müdafiəsi Nazirliyi, Azərbaycan Əmanətlərin Sığortalanması Fondu, 22 bank, 24 ləğv prosesində olan bank, 53 bank olmayan kredit təşkilatı, 13 ləğv prosesində olan bank olmayan kredit təşkilatı, 34 kredit ittifaqı, 4 ləğv prosesində olan kredit ittifaqı, 28 lizinq şirkəti, 14 sığorta şirkəti, 8 ləğv prosesində olan sığorta şirkəti, 3 mobil operator, 3 kommunal xidmət operatoru, 62 nisyə mal alqı-satqısı ilə məşğul olan şirkət, 5 faktorinq, 1 elektron pul təşkilatı, 2 kollektor və 3 lombard şirkəti olmaqla 286 təşkilatla məlumat mübadiləsi həyata keçirir. AKB fiziki və hüquqi şəxslərə məxsus məlumatları toplayır, təhlil edir və məlumat istifadəçiləri olan hüquqi və fiziki şəxslərə potensial müştərilərini qiymətləndirmək, mövcud müştərilərinin davranışlarını monitorinq etmək və portfelin idarə edilməsi ilə bağlı ən müasir həlləri təqdim etməklə onların risklərini minimallaşdırır. AKB məlumat təchizatçılarından topladığı məlumatları kredit hesabatı formasında tərtib edir, təhlilini aparır və istifadəçilərin sorğusu əsasında təqdim edir. Bununla da maliyyə assimetriyasını azaltmaqla kredit risklərinin azaldılmasına xidmət edir.

Ünvan

“World Business Center” iş mərkəzi, Səməd Vurğun küç. 43, AZ 1014, Bakı, Azərbaycan