Azərpambıq ASK MMC

Azərbaycan Respublikası Prezidentinin 04 dekabr 2017-ci il tarixli Fərmanı ilə “Aqrarkredit” QSC “Azərbaycan Beynəlxalq Bankı” ASC-dən aldığı problemli aktivlərin (borcların) əvəzinə əldə etdiyi, Azərbaycan Respublikasının ərazisində yerləşən və onun mülkiyyətində (balansında) olan əmlak, o cümlədən Fərmanın əlavəsində göstərilən hüquqi şəxslərə məxsus olmuş dövlət əmlakı yeni yaradılmış “Azərbaycan Sənaye Korporasiyası” ASC-yə tabeliyinə verilmişdir.Həmin Fərmanın müddəalarına uyğun olaraq, “Azərbaycan Sənaye Korporasiyası” ASC tərəfindən “CTS-Agro” MMC-nin aktivləri, o cümlədən Pambıq emalı və istehsalı zavodları və tədarük məntəqələri “Azərpambıq ASK” MMC-yə verilmişdir. Azərpambıq ASK” MMC 25.05.2018-ci il tarixdə yaradılmış və öz fəaliyyətini Respublikanın qeyri neft sektorunda - pambıqçılıq sahəsində həyata keçirir. Cəmiyyətin fəaliyyətinin əsas istiqaməti ölkənin pambıqçılıq rayonlarında öz istifadəsində olan torpaq sahələrində, habelə fermerlərlə bağlanılan müqavilələr əsasında xam-pambığın istehsalı, tədarükü və emalından ibarətdir. Cəmiyyətin tabeliyində 6 pambıq emalı zavodu, 6 pambıq tədarükü məntəqəsi, Biləsuvar rayonunda Təcrübə Sınaq Təsərrüfatı, Şirvan pambıq emalı zavodunda isə yağ emalı sexi fəaliyyət göstərir.

Ünvan

Bakı şəhəri, Tbilisi pr 35, ASK PLAZA, 3-cü mərtəbə