• sektorun fəaliyyətinin təşkili və ona rəhbərlik edilməsi;
• sektor işçilərinin icra və əmək intizamına riayət etmələrinə nəzarət edilməsi, onların arasında vəzifə bölgüsünün aparılması;
• sektorun inzibati vəzifə tutan dövlət qulluqçularının xidməti fəaliyyətinin həyata keçirilməsi;
• turizm sahəsində beynəlxalq layihələrin işlənməsi və həyata keçirilməsi, beynəlxalq proqramların hazırlanması, bu sahədə ümumi fəaliyyətin təşkili;
• turizm sahəsi üzrə beynəlxalq konfranslarda, tədbirlərdə iştirak, beynəlxalq təşkilatlarla turizm sahəsində əlaqələrin inkişafı üzrə təhlillərin aparılması;
• arayış və hesabatların hazırlanması, əməkdaşlığın inkişaf etdirilməsi ilə bağlı təkliflərin verilməsi;
• Beynəlxalq və regional miqyaslı tədbirlərdə (konfrans, konqres, simpozium, sammit, seminar, iclas, görüş, təqdimat mərasimi, sərgi, rəsmi və işgüzar ziyafətlər və s.) iştirakın təmin edilməsi;
• müvafiq dövrlər üzrə şöbənin iş planının, fəaliyyəti ilə bağlı hesabatların hazırlanması;
• Dövlət Turizm Agentliyinin rəhbərliyi ilə aidiyyəti qurumların rəhbərliyi, diplomatik missiya və beynəlxalq təşkilatların nümayəndələri və digər vəzifəli şəxslər arasında keçirilən ikitərəfli görüşlərin təşkil edilməsi və təşkilati məsələləri ilə bağlı protokol işlərinin aparılması;
• sektora daxil olan müraciətlərin araşdırılması və cavablandırılması.

Müsabiqənin müsahibə mərhələsində aşağıdakı şəxslər iştirak hüququna malikdirlər:

• Dövlət qulluğunun müvafiq vəzifəsi üzrə test imtahanından keçdiyini təsdiq edən dövlət qulluğu sertifikatıqüvvədə olan şəxslər;
• Dövlət qulluğu vəzifəsinin tutulması üçün nəzərdə tutulan təhsil tələbi (istiqaməti) üzrə elmlər doktoru elmi dərəcəsi olan şəxslər;
• Müsabiqənin müsahibə mərhələsində iştirak etmək istəyən namizədlər 13 yanvar 2023-cü il tarixindən  13 fevral 2023-cü il saat 18:00-dək Mərkəzin internet portalında Dövlət qulluğu üzrə müraciət Formasını doldurmaqla qeydiyyatdan keçməlidirlər. Namizəd portala daxil etdiyi məlumatların və sənədlərin aktuallığını və tamlığını təsdiq etməlidir.

• Təhsilə dair tələblər: beynəlxalq münasibətlər, tərcümə (dillər üzrə), politologiya, regionşünaslıq (regionlar üzrə), hüquqşünaslıq, dünya iqtisadiyyatı, dövlət və bələdiyyə idarəetməsi, turizm və otelçilik, menecment, davamlı inkişafın idarə edilməsi ixtisasları üzrə ali təhsil
• İş stajına dair tələblər: 4 il struktur bölmənin və ya vəzifənin fəaliyyət istiqamətləri üzrə iş stajı
• Kompüter biliklərinə dair tələblər: MS Windows, MS Office, Internetdən istifadə(yüksək səviyyədə)
• Xarici dil biliklərinə dair tələblər: Rus dili-C1;İngilis dili-C1;