• İdarəyə həvalə olunmuş vəzifələrin yerinə yetirilməsinə və hüquqların həyata keçirilməsinə nəzarəti təşkil edir;
• İdarə rəisinin müəyyən etdiyi iş bölgüsünə uyğun olaraq fəaliyyətini həyata keçirir;
• İdarədə dövlət qulluğunun inzibati vəzifə üzrə əməkdaşlarının qanunvericiliyə uyğun olaraq xidməti fəaliyyətinin qiymətləndirilməsinə ümumi rəhbərliyi həyata keçirir;
• Dövlət və yerli özünüidarəetmə orqanları, hüquqi və fiziki şəxslərlə münasibətdə İdarəni təmsil edir;
• İdarənin fəaliyyətinə dair hesabatları, İdarənin iş planını hazırlayaraq Nazirliyə təqdim edir;
• Xidməti ərazidə ekoloji tarazlığın qorunmasına, ətraf mühitin mühafizəsi və təbii sərvətlərdən səmərəli istifadə edilməsinə, bu sahədə mövcud qanunvericiliyin tələblərinə riayət olunmasına nəzarətin təşkil edir;
• Ətraf mühitin mühafizəsinə və təbii ehtiyatlardan istifadəyə dair qanunvericilik sahəsində aşkar olunmuş qanun pozuntuları ilə bağlı təqsirkar şəxslər barəsində qanunvericiliyə uyğun tədbirlərin görülməsinə  nəzarət edir;
• Ətraf mühitin əlverişli ekoloji vəziyyətin sağlamlaşdırılmasına yönəlmiş tədbirlərin həyata keçirilməsinə nəzarətin təşkil edir;
• Təbii ekoloji sistemlərə təsərrüfat və digər fəaliyyət növləri nəticəsində dəyə biləcək zərərin qarşısının alınması istiqamətində zəruri tədbirlər görülməsinin təşkil edir;
• Ətraf mühitə zərərli maddələrin atılması (axıdılması) hədlərinin gözlənilməsinə  və tullantıların idarə olunmasına nəzarətin həyata keçirilməsini təşkil edir;
• Ətraf mühitin mühafizəsi haqında qanunvericiliyin pozulmasına dair tətbiq edilmiş cərimə, ziyan və ödəmələrin “Ətraf mühitin mühafizəsi üzrə Dövlət Fondu”na ödənilməsinə nəzarəti həyata keçirir;
• Yenidən qurulacaq və tikiləcək müxtəlif təyinatlı obyektlərin tikinti-texniki layihələrinə verilmiş dövlət ekoloji ekspertizası rəyinin tələblərinin icrasına nəzarəti təşkil edir;
• İdarəyə daxil olan şikayət ərizələrinin, “Qaynar Xətt” və elektron məlumatlarının araşdırılması, araşdırma materiallarının təhlil olunaraq qiymətləndirilməsini təmin edir;
• Ətraf mühitin mühafizəsinə nəzarət sahəsində ekoloji maarifləndirmə işini təşkil edir;
• İdarənin ətraf mühit və təbii sərvətlərdən istifadəyə nəzarət işində Azərbaycan Respublikasının qanunvericiliyinə əsasən digər dövlət orqanları və ictimai təşkilatlarla qarşılıqlı fəaliyyət göstərir və onların fəaliyyətini əlaqələndirir;
• Fəaliyyəti ilə bağlı idarə, müəssisə və təşkilatlar, eyni zamanda vətəndaşlar tərəfindən daxil olan müraciətlərin qanunvericiliyə uyğun icrasına nəzarəti həyata keçirir;
• Hüquqi və fiziki şəxslər tərəfindən ətraf mühitin mühafizəsi sahəsində yol verilən inzibati hüquqpozmalarla əlaqədar qanunvericiliklə müəyyən edilmiş qaydada müvafiq qərarların qəbul edilməsi və ətraf mühitin mühafizəsi haqqında qanunvericiliyin icrası ilə bağlı göstərişlər verir;
• Təbii sərvətlərdən istifadə, təbiəti mühafizə, ekoloji təhlükəsizlik məsələləri ilə bağlı Azərbaycan Respublikasının sosial-iqtisadi inkişaf proqramlarına daxil edilən layihələrin icra edilməsində iştirak edir;
• Ətraf mühitin mühafizəsi ilə bağlı keçirilən seminar, müşavirə, iclas və digər tədbirlərdə iştirak edir;
• Meşə fondunun vəziyyətinə, istifadəsinə, mühafizəsinə, qorunmasına, meşələrin bərpasına dövlət nəzarətinin həyata keçirilməsini təşkil edir;
• Xüsusi mühafizə olunan təbiət ərazilərinin və obyektlərinin mühafizəsinə dövlət nəzarətinin həyata keçirilməsinin təşkil edir;
• Balıq və digər su bioresurslarından istifadəyə və onların mühafizəsinə dövlət nəzarətinin həyata keçirilməsini təşkil edir;
• Heyvanlar aləmi haqqında qanunvericiliyin icrasına, dövlət ov fondunun mühafizəsi, bərpası və artırılmasınna, ovçuluq təsərrüfatının aparılması və idarə olunması qaydalarına əməl edilməsinə nəzarəti təşkil edir;
• Su obyektlərindən səmərəli və məqsədyönlü istifadə edilməsinə, yerüstü və yeraltı suların çirklənmədən, zibillənməkdən və tükənməkdən qorunmasına, habelə yeraltı sulardan istifadə edilməsinə nəzarət edir;
• Müxtəlif növ tullantıların yerləşdirilməsi və zərərsizləşdirilməsi zamanı ətraf mühitin mühafizəsi haqqında qanunvericiliyin tələblərinə əməl edilməsinə nəzarət edir;
• İdarənin əsasnaməsində nəzərdə tutulmuş aidiyyəti üzrə digər vəzifələrin yerinə yetirilməsinə nəzarət edir.

ümumi müsahibədə aşağıdakı şəxslər iştirak hüququna malikdirlər:

• vakant vəzifəni təqdim etmiş dövlət orqanında və ya digər dövlət orqanında inzibati vəzifələrdə qulluq keçən və inzibati vəzifələrin təsnifatına uyğun ixtisas dərəcəsi olan dövlət qulluqçuları, habelə azı 5 il qulluq stajı olan və dövlət orqanında inzibati vəzifələrdə çalışmış şəxslər;
• “Dövlət qulluğu haqqında” Azərbaycan Respublikasının Qanununun 2.3-cü maddəsində nəzərdə tutulan dövlət qulluğunun xüsusi növündə qulluq (xidmət) keçən və xüsusi, hərbi, diplomatik rütbəsi olan, habelə həmin orqanlarda azı 5 il qulluq (xidmət) stajı olan və xüsusi, hərbi, diplomatik rütbə nəzərdə tutulan vəzifələrdə çalışmış şəxslər;
• Dövlət orqanının ləğvi, dövlət qulluqçularının sayının və ya ştatlarının ixtisarı ilə əlaqədar ehtiyat kadrlar siyahısında olan şəxslər;
• Dövlət qulluğu vəzifəsinin tutulması üçün nəzərdə tutulan təhsil tələbi (istiqaməti) üzrə elmlər doktoru elmi dərəcəsi olan şəxslər.

• Təhsilə dair tələblər: təbiət ixtisasları qrupu, texniki və texnoloji ixtisaslar qrupu, kənd təsərrüfatı ixtisasları qrupu, iqtisadiyyat və idarəetmə ixtisasları qrupu, tarix və coğrafiya müəllimliyi, coğrafiya müəllimliyi, riyaziyyat və informatika müəllimliyi, riyaziyyat müəllimliyi, biologiya müəllimliyi, kimya müəllimliyi, kimya və biologiya müəllimliyi ixtisasları üzrə ali təhsil
• İş stajına dair tələblər: dövlət qulluğunda 3 il struktur bölmənin və ya vəzifənin fəaliyyət istiqamətləri üzrə iş stajı və yaxud 4 il struktur bölmənin və ya vəzifənin fəaliyyət istiqamətləri üzrə iş stajı
• Kompüter biliklərinə dair tələblər: MS Windows, MS Office, Internetdən orta səviyyədə istifadə
• Xarici dil biliklərinə dair tələblər: İngilis dili-B1;Rus dili-B1;