• Sektorun fəaliyyətini təşkil edir, onun fəaliyyətinə rəhbərliyi və nəzarəti həyata keçirir;
• Xidmət üzrə büdcənin proqnozlaşdırılması və tərtibi üzrə tələb olunan materialları hazırlayır və icmallaşdırır;
• Dövlət büdcəsində təsdiq edilmiş büdcə vəsaitlərinin (hidrometeorologya bölməsi üzrə), o cümlədən dövlət fondlarının, büdcə təşkilatlarının büdcədənkənar vəsaitlərinin gəlir və xərclər smetalarını tərtib edir;
• Xidmətin  ştat  cədvəllərinin struktura uyğun  hazırlanması və təsdiq edilməsini həyata keçirir;
• Xidmətin müəyyən olunmuş qaydada maliyyələşmə əməliyyatlarını həyata keçirir;
• Rəhbərliyə xəzinə əməliyyatları haqqında məlumatlar verir;
• Tələb olunan müvafiq icra hakimiyyəti orqanlarının hesabat  formalarının işlənilməsini təmin edir;
• Maliyyə hesabatlarının qəbul edilməsi və yoxlanılmasını həyata keçirir;
• Büdcədənkənar vəsaitlərin daxilolması barədə hesabatları təhlil edir;
• Daxil olan layihələr üzrə maliyyə-iqtisadi əsaslandırılmaları hazırlayır;
• Sektorun işinin təşkili ilə əlaqədar olaraq müvafiq tapşırıqların verilməsini və işçilər arasında iş bölgüsünü həyata keçirir;
• Sektorun fəaliyyət istiqamətləri üzrə qanunamüvafiq təkliflər hazırlayaraq rəhbərliyə təqdim edir.

ümumi müsahibədə aşağıdakı şəxslər iştirak hüququna malikdirlər:

• vakant vəzifəni təqdim etmiş dövlət orqanında və ya digər dövlət orqanında inzibati vəzifələrdə qulluq keçən və inzibati vəzifələrin təsnifatına uyğun ixtisas dərəcəsi olan dövlət qulluqçuları, habelə azı 5 il qulluq stajı olan və dövlət orqanında inzibati vəzifələrdə çalışmış şəxslər;
• “Dövlət qulluğu haqqında” Azərbaycan Respublikasının Qanununun 2.3-cü maddəsində nəzərdə tutulan dövlət qulluğunun xüsusi növündə qulluq (xidmət) keçən və xüsusi, hərbi, diplomatik rütbəsi olan, habelə həmin orqanlarda azı 5 il qulluq (xidmət) stajı olan və xüsusi, hərbi, diplomatik rütbə nəzərdə tutulan vəzifələrdə çalışmış şəxslər;
• Dövlət orqanının ləğvi, dövlət qulluqçularının sayının və ya ştatlarının ixtisarı ilə əlaqədar ehtiyat kadrlar siyahısında olan şəxslər;
• Dövlət qulluğu vəzifəsinin tutulması üçün nəzərdə tutulan təhsil tələbi (istiqaməti) üzrə elmlər doktoru elmi dərəcəsi olan şəxslər.

• Təhsilə dair tələblər: iqtisadiyyat və idarəetmə ixtisasları qrupu üzrə ali təhsil
• İş stajına dair tələblər: 3 il struktur bölmənin və ya vəzifənin fəaliyyət istiqamətləri üzrə iş stajı
• Kompüter biliklərinə dair tələblər: MS Windows, MS Office, Internetdən yüksək səviyyədə istifadə
• Xarici dil biliklərinə dair tələblər: yoxdur