• Sektorun işini təşkil edir və sektor üzrə işçilərin işinə nəzarət funksiyasını həyata keçirir;
• Tabeliyində olan işçilərin xidməti fəaliyyətinin qiymətləndirilməsini həyata keçirir;
• Xidmət üzrə yaranmış xərclərin müvafiq bölmələr üzrə aylıq, rüblük və illik hesabatlarının hazırlanmasını həyata keçirir;
• Xidmətin maliyyə-təsərrüfat fəaliyyətinin nəticələrini özündə əks etdirən sektor tərəfindən hazırlanmış hesabatların yoxlanılmasını və icmallaşdırılaraq balansın hazırlanmasını təşkil edir;
• Xidmətin tabeli qurumlarının maliyyə-təsərrüfat  fəaliyyətinin təhlil edilməsi məqsədi ilə yaradılmış araşdırma komissiyalarının fəaliyyətinə köməklik göstərir və zərurət yarandığı təqdirdə komissiyaların işində iştirak edir;
• Xidmətin tabeliyində olan müəssisə, idarə və təşkilatlardan gəlir və xərclər smetasının icrası haqqında aylıq, rüblük və illik hesabatlar alır, onları təhlil edir, icmallaşdıraraq məlumatları rəhbərliyə təqdim edir;
• Növbəti və sonrakı üç il üçün büdcə proqnozlarının hazırlanmasını təmin edir;
• Bioloji Müxtəlifliyin Qorunması Xidməti üzrə konsolidə edilmiş illik maliyyə hesabatını hazırlayaraq Azərbaycan Respublikası Hesablama Palatasına və Azərbaycan Respublikası Maliyyə Nazirliyinə təqdim edir;
• Köçürmə sənədlərinin xəzinədarlıq orqanları və müvəkkil bank tərəfindən  icrasını təmin edir;
• Tender təkliflərinin qiymətləndirilməsi və müqayisəsində, tenderin nəticələri haqqında yekun protokolun və satınalma müqavilələrinin hazırlanmasında iştirak edir;
• Sektora daxil olmuş məktub və müraciətlərin müvafiq qaydada cavablandırılmasını təmin edir;
• Xidmətin rəhbərliyi tərəfindən verilən digər tapşırıqları yerinə yetirir.  

ümumi müsahibədə aşağıdakı şəxslər iştirak hüququna malikdirlər:

• vakant vəzifəni təqdim etmiş dövlət orqanında və ya digər dövlət orqanında inzibati vəzifələrdə qulluq keçən və inzibati vəzifələrin təsnifatına uyğun ixtisas dərəcəsi olan dövlət qulluqçuları, habelə azı 5 il qulluq stajı olan və dövlət orqanında inzibati vəzifələrdə çalışmış şəxslər;
• “Dövlət qulluğu haqqında” Azərbaycan Respublikasının Qanununun 2.3-cü maddəsində nəzərdə tutulan dövlət qulluğunun xüsusi növündə qulluq (xidmət) keçən və xüsusi, hərbi, diplomatik rütbəsi olan, habelə həmin orqanlarda azı 5 il qulluq (xidmət) stajı olan və xüsusi, hərbi, diplomatik rütbə nəzərdə tutulan vəzifələrdə çalışmış şəxslər;
• Dövlət orqanının ləğvi, dövlət qulluqçularının sayının və ya ştatlarının ixtisarı ilə əlaqədar ehtiyat kadrlar siyahısında olan şəxslər;
• Dövlət qulluğu vəzifəsinin tutulması üçün nəzərdə tutulan təhsil tələbi (istiqaməti) üzrə elmlər doktoru elmi dərəcəsi olan şəxslər.

• Təhsilə dair tələblər: iqtisadiyyat və idarəetmə ixtisasları qrupu üzrə ali təhsil
• İş stajına dair tələblər: 3 il struktur bölmənin və ya vəzifənin fəaliyyət istiqamətləri üzrə iş stajı
• Kompüter biliklərinə dair tələblər: MS Windows, MS Office, Internetdən yüksək səviyyədə istifadə
• Xarici dil biliklərinə dair tələblər: yoxdur