• Xidmətin daxili hüquqi sənədlərinin hazırlanmasını və müvafiq sənədlərin hüquqi ekspertizasının aparılmasını (qanunvericiliyin tətbiqi sahəsi üzrə), daxili əmr və digər sənədlərin layihələrinin hazırlanması və ya viza verilməsini təşkil və təmin edir;
• Xidmətin müvafiq sahədə mövcud qanunvericiliyin təkmilləşdirilməsinə dair rəhbərliyə təkliflər verir, aidiyyəti sahədə normativ hüquqi aktların layilələrinin hazırlanmasında iştirak edir, habelə normativ-hüquqi aktların layihələrinə dair Xidmətin müvafiq hüquqi rəyinin hazırlanmasını təmin edir; 
• Xidmətə daxil olmuş normativ hüquqi aktların, digər normativ sənədlərin layihələrini hazırlayır;
• Xidmətin və onun tabeli qurumlarında qanunvericiliyin tətbiqi ilə bağlı aşkar olunan nöqsanları və qanunvericilikdəki boşluqları aradan qaldırmaq üçün təkliflər hazırlayır və rəhbərliyə təqdim edir;
• Xidmətin səlahiyyətli əməkdaşları tərəfindən aşkar edilmiş inzibati xatalar və cinayət əməlləri üzrə araşdırmaların nəticələrinin ümumiləşdirilməsini və bununla əlaqədar aidiyyatı əməkdaşlar  tərəfindən təkliflər verilməsini təşkil edir;
• Xidmətə daxil olan məktub, ərizə, şikayət və təkliflərə qanunvericiliklə nəzərdə tutulmuş qaydada baxılmasını və onların vaxtında və düzgün cavablandırılmasını təmin edir;
• Rəhbərliyin tapşırığı ilə ali kateqoriya dövlət orqanlarında, nazirlik və digər mərkəzi, habelə yerli icra hakimiyyəti orqanlarında və dövlət qurumlarında, məhkəmələrdə, beynəlxalq təşkilatlarda, xarici ölkələrdə Xidməti hüquqi məsələlərdə təmsil edir və Xidmətin qanuni maraqlarını müdafiə edir;
• Rəhbərliyə və əməkdaşlara qanunvericiliyə edilmiş dəyişikliklər barədə məlumat verir və hüquqi yardım göstərir;
• Xidmətin fəaliyyət istiqamətinə uyğun olaraq qanunvericiliklə nəzərdə tutulmuş digər vəzifələri yerinə yetirir.

ümumi müsahibədə aşağıdakı şəxslər iştirak hüququna malikdirlər:

• vakant vəzifəni təqdim etmiş dövlət orqanında və ya digər dövlət orqanında inzibati vəzifələrdə qulluq keçən və inzibati vəzifələrin təsnifatına uyğun ixtisas dərəcəsi olan dövlət qulluqçuları, habelə azı 5 il qulluq stajı olan və dövlət orqanında inzibati vəzifələrdə çalışmış şəxslər;
• “Dövlət qulluğu haqqında” Azərbaycan Respublikasının Qanununun 2.3-cü maddəsində nəzərdə tutulan dövlət qulluğunun xüsusi növündə qulluq (xidmət) keçən və xüsusi, hərbi, diplomatik rütbəsi olan, habelə həmin orqanlarda azı 5 il qulluq (xidmət) stajı olan və xüsusi, hərbi, diplomatik rütbə nəzərdə tutulan vəzifələrdə çalışmış şəxslər;
• Dövlət orqanının ləğvi, dövlət qulluqçularının sayının və ya ştatlarının ixtisarı ilə əlaqədar ehtiyat kadrlar siyahısında olan şəxslər;
• Dövlət qulluğu vəzifəsinin tutulması üçün nəzərdə tutulan təhsil tələbi (istiqaməti) üzrə elmlər doktoru elmi dərəcəsi olan şəxslər.

• Təhsilə dair tələblər: hüquqşünaslıq ixtisası üzrə ali təhsil
• İş stajına dair tələblər: 2 il struktur bölmənin və ya vəzifənin fəaliyyət istiqamətləri üzrə iş stajı
• Kompüter biliklərinə dair tələblər: MS Windows, MS Office, Internetdən orta səviyyədə istifadə
• Xarici dil biliklərinə dair tələblər: Rus dili-B1;İngilis dili-B1;