• sektorun fəaliyyət istiqamətləri üzrə işini təşkil edir və ona rəhbərlik edir;   
• tabeliyində olan əməkdaşlar arasında iş bölgüsünü aparır, onların fəaliyyətini əlaqələndirir, əmək və icra intizamına riayət etmələrinə nəzarət edir;
• sektorun əməkdaşları barəsində həvəsləndirmə və intizam tənbeh tədbirləri görülməsi üçün Dövlət Xidmətinin rəisinə təqdimatlar verir;
• sektorun dövlət qulluqçularının xidməti fəaliyyətinin qiymətləndirilməsini həyata keçirir;
• sektorun iş planını Xidmətin rəisinə təqdim edir, müvafiq qaydada icrasına nəzarət edir;
• aidiyyəti üzrə dövlət qulluğu vəzifələri üzrə vəzifə təlimatlarının hazırlanmasında iştirak edir;
• əmək haqqının, əmək haqqına bütün növ əlavələrin, mükafatların, məzuniyyətlərin, əmək qabliyyətinin müvəqqəti itirilməsinə dair müavinətlərin düzgün hesablanmasına və ödənilməsinə nəzarət edir;
• ezamiyyə xərclərinə, təqdim edilmiş avanslara və təhtəlhesab əməliyyatlara dair hesablaşmalara və ödənişlərə nəzarət edir;
• dövlət büdcəsinə məcburi ödəmələrə, dövlət sosial sığorta fonduna ayırmalara, digər ayırmaların düzgün hesablanmasına və ödənilməsinə nəzarət edir;
• Xidmət tərəfindən ödəmə aparılarkən ödəniş tapşırıqlarının və digər sənədlərin düzgün hazırlanmasına nəzarət edir;
• Xidmət  tərəfindən həyata kecirilən bütün təsərrüfat  və maliyyə əməliyyatlarının mühasibat uçotu hesablarında düzgün əks etdirilməsini təşkil edir;
• maliyyə  hesabatlarını Xidmətin rəhbərliyinə təqdim edir;
• maliyyə hesabatlarının, bütün növ bəyannamələrin və digər hesabatların müəyyən edilmiş müddətlərdə dövlət orqanlarına təqdim edilməsini təşkil edir; 
• pul vəsaitlərinin hərəkətinə və uçotunun aparılmasına nəzarət edir, müvafiq qanunvericiliyə uyğun olaraq ştat cədvəlinin və xərclər smetasının hazırlanmasını təşkil edir;
• əsas fondların və qeyri-maddi aktivlərin uçotunun aparılmasına və onlara dair amortizasiyasının normalara uyğun hesablanmasına nəzarət edir;
• əmtəə mal qiymətlilərinin və əsas vəsaitlərın inventarizasiyasının aparılmasına nəzarət edir;
• debitor və kreditorlarla hesablaşmaların təşkilini və nəzarəti həyata keçirir;
• maliyyə və mühasibat uçotunun təkmilləşdirilməsinə və avtomatlaşdırılmasına dair müvafiq tədbirlər görür;
• fəaliyyəti ilə əlaqədar digər strukturlarla əlaqələndirməni təşkil edir;
• mühasibatlıq fəaliyyəti ilə bağlı arxivləşdirməni təmin edir;
• sektora daxil olan məktub və müraciətlərə qanunvericilikdə nəzərdə tutulmuş qaydada baxılmasını təşkil edir;
• Xidmət rəisinin tapşırığına əsasən Dövlət Xidmətində yaradılan komissiyalarda, işçi qruplarında iştirak edir və ya sektoru təmsil edən digər nümayəndəni müəyyən edir;
• Xidmətin və regional idarələrin texniki avadanlıq, mebel, dəftərxana ləvazimatları və təsərrüfat malları ilə təmin edilməsinə, onların düzgün şəkildə təhvil-təslim edilməsinə, onlara dair maddi-məsul şəxslərin təyin edilməsinə nəzarət edir;
• əməyin mühafizəsi, yanğından mühafizə normaları, texniki təhlükəsizlik, sanitar-gigeniya və mülkü-müdafiə qaydalarına riayət olunmasını təmin edir;
• sektorun fəaliyyətinə aid digər vəzifələrin yerinə yetirilməsini təmin edir;
• sektorun fəaliyyəti barədə Xidmətin rəisinə rüblük, yarımillik, illik hesabatlar hazırlayıb təqdim edir;
• Dövlət Xidmətinin rəisinin tapşırığı ilə məlumatlar, hesabatlar və arayışlar hazırlayır;
• Dövlət Xidmətinin rəisi tərəfindən verilmiş digər tapşırıqların icrasını təmin edir və s.

Müsabiqənin müsahibə mərhələsində aşağıdakı şəxslər iştirak hüququna malikdirlər:

• Dövlət qulluğunun müvafiq vəzifəsi üzrə test imtahanından keçdiyini təsdiq edən dövlət qulluğu sertifikatıqüvvədə olan şəxslər;
• Dövlət qulluğu vəzifəsinin tutulması üçün nəzərdə tutulan təhsil tələbi (istiqaməti) üzrə elmlər doktoru elmi dərəcəsi olan şəxslər;
• Müsabiqənin müsahibə mərhələsində iştirak etmək istəyən namizədlər 13 yanvar 2023-cü il tarixindən  13 fevral 2023-cü il saat 18:00-dək Mərkəzin internet portalında Dövlət qulluğu üzrə müraciət Formasını doldurmaqla qeydiyyatdan keçməlidirlər. Namizəd portala daxil etdiyi məlumatların və sənədlərin aktuallığını və tamlığını təsdiq etməlidir.

• Təhsilə dair tələblər: iqtisadiyyat və idarəetmə ixtisasları qrupu üzrə ali təhsil
• İş stajına dair tələblər: 3 il struktur bölmənin və ya vəzifənin fəaliyyət istiqamətləri üzrə iş stajı
• Kompüter biliklərinə dair tələblər: MS Windows, MS Office, Internetdən istifadə (orta səviyyədə)
• Xarici dil biliklərinə dair tələblər: yoxdur