Vəzifə təlimatları
- İşəgötürənin hüquqi risklərinin tənzimlənməsi və idarəedilməsinin təşkil edilməsi və hüquqi işlərə metodiki rəhbərlik edilməsi
- Müqavilələrin, sazişlərin və hüquqi xarakterli digər sənədlərin hazırlanması və tərtib edilməsinə dəstək verilməsi və hüquqi təhlilinin aparılması
- Hüququn müxtəlif sahələrinə dair araşdırmaların aparılması və işəgötürənin rəhbər heyəti üçün müəssisənin fəaliyyəti ilə əlaqədar hüquqi məsləhətlər və rəylərin verilməsi
- İşəgötürənin digər müəssisələrdə iştirak payı əldə etməsi, hüquqi şəxsin yenidən təşkili formalarının həyata keçirilməsi prosesinə və digər layihələrə tələb olunan hüquqi dəstəyin göstərilməsi
- İşəgötürən və ona daxil olan müəssisələrin fəaliyyəti ilə bağlı tələb edilən lisenziya, razılıq, icazə və bu xarakterli digər sənədlərin alınmasına nəzarət edilməsi və lazım olduqda hüquqi dəstək göstərilməsi
- İşəgötürən və onun struktur bölmələrinin, həmçinin İşəgötürənə daxil olan müəssisələrin fəaliyyətinin təkmilləşdirilməsi üzrə tədbirlərin və müəssisə daxili qayda və prosedurların işlənib hazırlanmasında iştirak edilməsi və hüquqi dəstək göstərilməsi
- İşəgötürənin əməkdaşlıq etdiyi tərəflərə danışıqların aparılması, İşəgötürənin dövlət orqanları, məhkəmələr, fiziki və hüquqi şəxslər qarşısında təmsil edilməsi
- Şöbənin işinin təşkili və idarəolunması və şöbənin rəhbəri vəzifəsinə aid olan hər hansı digər tapşırıqların vaxtında və keyfiyyətlə yerinə yetirilməsi.
Namizədə tələblər
- Ali təhsil
- İş təcrübəsi – sahə üzrə 5 il
- Azərbaycan dili və İngilis dillərində sərbəst danışıq və yazı qabiliyyəti
- MS Office proqramları
