• idarələrin, müəssisə və təşkilatların təşkilati-hüquqi statusunun tənzimlənməsi, fəaliyyətinin təkmilləşdirilməsi, ləğvi və yenidən təşkili, həmçinin yeni müəssisə və təşkilatların təsisi ilə bağlı təklifləri təqdim edir;
• mədəniyyət sahəsi üzrə dövlət proqramlarının layihələrinin hazırlanmasında iştirak edir;
• mədəniyyət idarələrinin və onların tabe qurumlarının idarəetmə modelinin təkmilləşdirilməsinə dair təkliflərin təqdim edilməsində iştirak edir; 
• mədəniyyət idarələrinin fəaliyyəti haqqında məlumatların toplanması, təhlil edilməsi, ümumiləşdirilməsi və monitorinqinin aparılmasında iştirak edir;
• mədəniyyət idarələrinin tabeliyində olan müəssisələrin işinin təşkilinə dair müvafiq təkliflər verir; mədəniyyət idarələri və onların tabeliyində olan müəssisələrin fəaliyyətinin qiymətləndirilmə meyarlarının təkmilləşdirilməsi, keyfiyyətə nəzarətin müasir mexanizminin qurulmasında iştirak edir; 
• zona müşavirələrinin, regionlarda digər tədbirlərin hazırlanması və təşkilində iştirak edir;
• mədəniyyət idarələrinin analitik məlumat bazasının təkmilləşdirilməsi və idarə edilməsində iştirak edir; 
• regional idarələr tərəfindən dövlət proqramlarının icra vəziyyəti, nəticələrinin monitorinqi və qiymətləndirilməsi üzrə hesabatların hazırlanmasını təşkil edir; 
• rəhbərliyin tapşırığı ilə hesabatlar, arayışlar və məlumatlar hazırlayır;
• qanunvericiliklə müəyyən edilmiş qaydada vətəndaşların şöbəyə daxil olmuş şifahi və yazılı müraciətlərinə vaxtında və ətraflı baxılmasını təmin edir;
• aidiyyəti qurumlara müraciətlərin hazırlaması, sənədlərin toplanması və göndərilməsini həyata keçirir;
• şöbənin fəaliyyət istiqamətlərinə uyğun olaraq qanunvericiliklə nəzərdə tutulmuş digər vəzifələri yerinə yetirir; 
• şöbəyə rəhbərlik edir və əməkdaşlar arasında iş bölgüsü aparır; 
• şöbənin əməkdaşları barədə intizam tənbeh tədbirlərinin görülməsi, habelə  işçilərin həvəsləndirilməsi və mükafatlandırılmasına dair təkliflər verir; 
• şöbənin fəaliyyəti ilə bağlı daxil olan ərizə və şikayətlərə baxılmasını, qanunla müəyyən edilmiş qaydada tədbirlər görülməsini təmin edir; 
• şöbədə qulluq keçən dövlət qulluqçularının xidməti fəaliyyətinin qiymətləndirilməsini təmin edir və s.

Daxili müsahibədə aşağıdakı şəxslər iştirak hüququna malikdirlər:

• Vəzifənin tutulması şərtlərinə uyğun olan Azərbaycan Respublikasının vətəndaşları.

Daxili müsahibədə iştirak etmək üçün aşağıdakı sənədlərin skan olunmuş variantı onlayn qeydiyyat zamanı müraciət formasına əlavə edilməlidir:

• ali təhsil haqqında sənədin surəti;
• əmək kitabçasının surəti.

Qeydlər:

"Xarici dövlətlərin ali təhsilə aid kvalifikasiyalarının tanınması Qaydaları"na uyğun olaraq, bu Qaydalar keçmiş SSRİ-nin tərkibində olan dövlətlərin təhsil müəssisələri tərəfindən 1993-cü il yanvarın 1-dək verilmiş kvalifikasiyalara münasibətdə tətbiq edilmir. Müvafiq qaydalara əsasən namizəd vakant vəzifələrə müraciət etmək üçün peşə tanınması ilə bağlı şəhadətnaməyə malik olmalıdır.

• Təhsilə dair tələblər: humanitar və sosial ixtisaslar qrupu, mədəniyyət və incəsənət ixtisasları qrupu, iqtisadiyyat və idarəetmə ixtisasları qrupu üzrə ali təhsil
• İş stajına dair tələblər: dövlət qulluğunda 5 il struktur bölmənin və ya vəzifənin fəaliyyət istiqamətləri üzrə iş stajı və yaxud 7 il struktur bölmənin və ya vəzifənin fəaliyyət istiqamətləri üzrə iş stajı
• Kompüter biliklərinə dair tələblər: MS Windows, MS Office, Internetdən istifadə(yüksək səviyyədə)
• Xarici dil biliklərinə dair tələblər: İngilis dili-B1;

Qeydiyyatla bağlı yaranan texniki problemlərlə əlaqədar:

Elektron imtahanlar və müsahibələrin təşkili departamenti: Tel.:(012) 310 53 16 (daxili 2508, 2506); e-mail: [email protected];

Müsahibə elanları, o cümlədən vəzifə təlimatları və müsahibə proqramları ilə əlaqədar:

Hüquqi təminat, dövlət qulluğu məsələləri və dövlət strategiyaları ilə iş departamenti: Tel.: (012) 310 53 16 (daxili 1766); e-mail: [email protected];

Daxili müsahibədə iştirak etmək istəyən namizədlər 27 fevral 2026-cı il   13 mart 2026-cı il saat 18:00-dək Mərkəzin internet portalındaDövlət qulluğu üzrə müraciət Formasını doldurmaqla qeydiyyatdan keçməlidirlər. Namizəd portala daxil etdiyi məlumatların və sənədlərin aktuallığını və tamlığını təsdiq etməlidir.

Müsahibədə iştirak üçün müraciət edən namizəd "Dövlət qulluğu haqqında" Azərbaycan Respublikası Qanununun 27-ci maddəsinin və qanunvericiliklə müəyyən olunmuş vakant vəzifələrin tutulmasının ümumi şərtlərinin tələblərinə cavab verməlidir. Vakant vəzifə üzrə müəyyən edilmiş tələblərə cavab verməyən namizəd müsahibədə iştirak edə bilməz.

Daxili müsahibədə iştirakı qeydə alınmayan namizədə bu barədə portal vasitəsilə elektron bildiriş göndərilir. Namizədin qeydə alınmamasına səbəb olan çatışmazlıqlar aradan qaldırıldıqdan sonra, namizəd müvafiq vəzifə üzrə müsahibədə iştirak etmək üçün qeydə alınır. çatışmazlıqlar 3 (üç) iş günü müddətində aradan qaldırılmadıqda, namizəd müsahibədə iştirak etmək üçün qeydə alınmır.

Namizəd müəyyən edilmiş şərtlərə cavab vermədikdə, habelə onun tərəfindən təqdim edilmiş məlumat və sənədlərdə bilərəkdən yanlış məlumatlar verilməsi aşkar edildiyi halda, namizədin müsahibədə əldə etdiyi nəticələr etibarsız hesab edilir.

Namizədlər müsahibələrin keçirilmə vaxtı və yeri haqqında məlumatları sənəd qəbulu başa çatdıqdan sonra Mərkəzin www.dim.gov.az internet portalında və müvafiq dövlət orqanının saytında yerləşdiriləcək müsahibələrin keçirilməsi qrafikindən əldə edə bilərlər.

Müsahibənin keçirilməsində məqsəd namizədin bilik səviyyəsini, peşə hazırlığını, ümumi dünyagörüşünü və vakant vəzifə üçün zəruri olan keyfiyyətlərini yoxlamaqla onun vəzifəyə uyğunluğunu müəyyən etməkdir. Müsahibədə hər bir meyar üzrə namizədə minimum 2, maksimum 5 bal verilir. Müsahibənin yekun nəticələri üzrə namizəd maksimum 20 bal toplaya bilər. Keçid balı 16-dır. Müsahibənin nəticəsi barədə məlumat Mərkəzin internet portalında və müvafiq dövlət orqanının saytında yerləşdirilir.

Müsahibə proqramları və qulluq funksiyalarına dair ətraflı məlumat almaq üçün Mərkəzin www.dim.gov.az internet portalına müraciət edilə bilər.