Tabeliyində olan əməkdaşlar arasında vəzifə və iş bölgüsünü aparır, onların fəaliyyətini əlaqələndirir və şöbə işçilərinin vəzifə təlimatlarının hazırlanmasını təmin edir;
Xüsusi əhəmiyyətli və mürəkkəb sənədlərin icrasını bir neçə işçiyə tapşırır və ya onları bir işçinin icraatından digər işçinin icraatına verir;
Şöbə işçilərinin üzərinə düşən vəzifələrin yerinə yetirilməsinə, əmək və icra intizamına riayət olunmasına nəzarət edir;
Normativ hüquqi akrların layihələrinin hazırlanmasını və müvafiq sənədlərin hüquqi ekspertizasının aparılmasını (qanunvericiliyin tətbiqi sahəsi üzrə daxili əmr və digər sənədlərin layihələrinin hazırlanması və ya viza verilməsi) təşkil və təmin edir;
Nazirliyin fəaliyyəti ilə bağlı müqavilələrin hazırlanmasında iştirak edir və belə müqavilələrin hüquqi ekspertizasını həyata keçirir;
Nazirliyin struktur bölmələri və tabeliyində olan qurumlar tərəfindən normayaratma fəaliyyətinin həyata keçirilməsinə metodiki köməklik göstərilməsini təmin edir;
Mövcud qanunvericiliyin təkmilləşdirilməsinə dair rəhbərliyə təkliflər verir, aidiyyəti sahədə normativ hüquqi aktların layilələrinin hazırlanmasında iştirak edir, habelə normativ-hüquqi aktların layihələrinə dair Nazirliyin müvafiq hüquqi rəyinin hazırlanmasını təmin edir;
Nazirliyə daxil olmuş normativ hüquqi aktların, digər normativ sənədlərin layihələrinə dair rəy və təkliflər verir;
Nazirliyin səlahiyyətli orqanları tərəfindən aşkar edilmiş inzibati xatalar və cinayət əməlləri üzrə araşdırmaların nəticələrindən verilən şikayətlərə baxılmasını, şikayətlərin ümumiləşdirilməsini və bununla əlaqədar şöbənin əməkdaşları tərəfindən təkliflər verilməsini təşkil edir;
Şöbəyə daxil olan məktub, ərizə, şikayət və təkliflərə qanunvericiliklə nəzərdə tutulmuş qaydada baxılmasını və onların vaxtında və düzgün cavablandırılmasın işini təşkil edir;
Şöbənin müvafiq hesabatlarının, iş planının hazırlanmasını təşkil edir və aidiyyəti üzrə təqdim edir;
Şöbənin fəaliyyətini Nazirliyin aparatının digər struktur bölmələri, habelə qurumlarla əlaqələndirir;
Nazirliyin normativ hüquqi aktlarının Azərbaycan Respublikasının Hüquqi Aktların Dövlət Reyestrinə daxil edilməsini təmin edir;
Nazirin digər xidməti tapşırıqlarını və şöbənin fəaliyyət istiqamətinə uyğun olaraq qanunvericilikdə nəzərdə tutulmuş digər vəzifələri yerinə yetirir.
Daxili müsahibədə aşağıdakı şəxslər iştirak hüququna malikdirlər:
Vakant vəzifəni təqdim etmiş dövlət orqanında inzibati vəzifələrdə qulluq keçən və inzibati vəzifələrin təsnifatına uyğun ixtisas dərəcəsi olan dövlət qulluqçuları;
Dövlət orqanının ləğvi, dövlət qulluqçularının sayının və ya ştatlarının ixtisarı ilə əlaqədar daxili müsahibə elan edilən dövlət orqanında ehtiyat kadr kimi saxlanılan şəxslər;
Namizədə tələblər
Təhsilə dair tələblər: hüquqşünaslıq ixtisası üzrə ali təhsil
İş stajına dair tələblər: dövlət qulluğunda 5 il struktur bölmənin və ya vəzifənin fəaliyyət istiqamətləri üzrə iş stajı və yaxud 7 il struktur bölmənin və ya vəzifənin fəaliyyət istiqamətləri üzrə iş stajı
Kompüter biliklərinə dair tələblər: MS Windows, MS Office, Internetdən yüksək səviyyədə istifadə
Xarici dil biliklərinə dair tələblər: Rus dili-B1;İngilis dili-B1;
Bizi izləməyi unutma
