• Daha yaxşı turizm məhsulunun aşkar edilməsi üçün turizm sənayesinin marketinq və kommunikasiya ilə bağlı ehtiyaclarının qiymətləndirilməsi işinə dəstək vermək; 
• Marketinq və kommunikasiya fəaliyyətlərini planlaşdırmaq və icra etmək;
• Turizm sənayesinin fəaliyyətinin qiymətləndirilməsi və monitorinqi ilə bağlı işlərin icrasına dəstək vermək;
• Turizm sənayesi, bazarı və məhsul araşdırmalarının aparılmasına töhvə vermək;
• Agentlik və Büronun həyata keçirdiyi turizm tədbirlərində iştirak etmək;
• Regionlarda etnoqrafik, tarixi, təbiət və digər tədqiqat fəaliyyətlərinin nəticəsi kimi potensial turizm imkanlarını aşkar etmək və inkişafına dəstək vermək; 
• Həm çap, həm də elektron marketinq materiallarının hazırlanmasına dəstək göstərmək; 
• Turizm məhsullarının və destinasiyalarının daxili və xarici turizm bazarlarında məhsul kimi təşviqini əlaqələndirmək;
• Marketinq materiallarının turizm sahəsindəki maraqlı tərəflər arasında yayılmasını dəstəkləmək;
• Məhsul və destinasiyaların təşviqi üçün marketinq, bazara çıxış proqramlarının hazırlanması və icrası prosesində iştirak etmək;

Ümumi müsahibədə aşağıdakı şəxslər iştirak hüququna malikdirlər:

• Vakant vəzifənin aid olduğu dövlət orqanında və ya digər dövlət orqanında inzibati vəzifələrdə qulluq keçən və inzibati vəzifələrin təsnifatına uyğun ixtisas dərəcəsi olan dövlət qulluqçuları;
• Azı 5 il qulluq stajı olan və dövlət orqanında inzibati vəzifələrdə çalışmış şəxslər;
• “Dövlət qulluğu haqqında” Azərbaycan Respublikasının Qanununun 2.3-cü maddəsində nəzərdə tutulan dövlət qulluğunun xüsusi növündə qulluq (xidmət) keçən və xüsusi (hərbi, diplomatik) rütbəsi olan şəxslər;
• “Dövlət qulluğu haqqında” Azərbaycan Respublikasının Qanununun 2.3-cü maddəsində nəzərdə tutulan dövlət qulluğunun xüsusi növündə azı 5 il qulluq (xidmət) stajı olan və xüsusi (hərbi, diplomatik) rütbə nəzərdə tutulan vəzifələrdə çalışmış şəxslər;
• Dövlət orqanlarında (qurumlarında) siyahısı Azərbaycan Respublikası Nazirlər Kabinetinin 2023-cü il 12 yanvar tarixli 7 nömrəli Qərarı ilə təsdiq edilən vəzifələrdə azı 10 il iş stajı olan şəxslər;
• Dövlət orqanının ləğvi, dövlət qulluqçularının sayının və ya ştatlarının ixtisarı ilə əlaqədar ehtiyat kadrlar siyahısında olan şəxslər;
• Dövlət qulluğu vəzifəsinin tutulması üçün nəzərdə tutulan təhsil tələbi (istiqaməti) üzrə elmlər doktoru elmi dərəcəsi olan şəxslər.

• Təhsilə dair tələblər: humanitar və sosial ixtisaslar qrupu, iqtisadiyyat və idarəetmə ixtisasları qrupu, turizm və otelçilik, muzeyşünaslıq, arxiv işi və abidələrin qorunması ixtisasları üzrə ali təhsil
• İş stajına dair tələblər: yoxdur
• Kompüter biliklərinə dair tələblər: MS Windows, MS Office, İnternetdən istifadə (yüksək səviyyədə)
• Xarici dil biliklərinə dair tələblər: Rus dili-B1;İngilis dili-B1;