• Hədəf rayon və destinasiyalarda yeni turizm məhsullarının müəyyən edilməsi, konseptuallaşdırılması və inkişaf etdirilməsində iştirak etmək;
• Regionda mövcud turizm məhsullarının təkmilləşdirilməsi, turizm bizneslərinə və startaplarına məsləhətlər vermək;
• Tur operatorlar və turizmin digər maraqlı tərəfləri ilə potensial turizm məhsullarının zənginləşdirilməsi üçün əməkdaşlıqların genişləndirilməsi prosesində iştirak  etmək;
• Turizm resursları məlumat bazasına (maddi və qeyri-maddi) daimi olaraq əlavələrin və yeniləmələrin edilməsinə dəstək vermək;
• Turizm resurslarının cəlbediciliyinin artırılması  üçün yerlərə baş çəkmək, təhlil etmək və hər bir resursun potensial inkişaf planlarınının təklif edilməsinə dəstək vermək;
• Müvafiq xüsusi maraq turizm məhsulları və təcrübələrinin (şərab turizmi, balıqçılıq, ipək yolu və s.) inkişaf etdirilməsi üçün rayon və kəndlərin tarixi, mədəni, təbii və digər potensiallarından istifadə etməklə inkişaf konsepsiyaları hazırlanmasında iştirak  etmək;
• Turizm tərəfdaşları və sponsorları da cəlb etməklə destinasiyanı daha da cəlbedici etmək üçün yerli festivallar və tədbirlərin  hazırlamasına dəstək vermək;
• Yerli tematik marşrutlar yaratmaq və inkişafına dəstək olmaq, onların idarə olunmasında və təbliğatında müxtəlif maraqlı tərəfləri cəlb etmək;
• Region ərazisində  turizm strategiyaları və inkişaf planlarının hazırlanmasına dəstək olmaq;
• Turizm potensialı olan kənd yerləri üçün konsepsiya sənədləri və inkişaf planlarının hazırlanmasına və onların uğurla həyata keçirilməsinə töhvə vermək.

Ümumi müsahibədə aşağıdakı şəxslər iştirak hüququna malikdirlər:

• Vakant vəzifənin aid olduğu dövlət orqanında və ya digər dövlət orqanında inzibati vəzifələrdə qulluq keçən və inzibati vəzifələrin təsnifatına uyğun ixtisas dərəcəsi olan dövlət qulluqçuları;
• Azı 5 il qulluq stajı olan və dövlət orqanında inzibati vəzifələrdə çalışmış şəxslər;
• “Dövlət qulluğu haqqında” Azərbaycan Respublikasının Qanununun 2.3-cü maddəsində nəzərdə tutulan dövlət qulluğunun xüsusi növündə qulluq (xidmət) keçən və xüsusi (hərbi, diplomatik) rütbəsi olan şəxslər;
• “Dövlət qulluğu haqqında” Azərbaycan Respublikasının Qanununun 2.3-cü maddəsində nəzərdə tutulan dövlət qulluğunun xüsusi növündə azı 5 il qulluq (xidmət) stajı olan və xüsusi (hərbi, diplomatik) rütbə nəzərdə tutulan vəzifələrdə çalışmış şəxslər;
• Dövlət orqanlarında (qurumlarında) siyahısı Azərbaycan Respublikası Nazirlər Kabinetinin 2023-cü il 12 yanvar tarixli 7 nömrəli Qərarı ilə təsdiq edilən vəzifələrdə azı 10 il iş stajı olan şəxslər;
• Dövlət orqanının ləğvi, dövlət qulluqçularının sayının və ya ştatlarının ixtisarı ilə əlaqədar ehtiyat kadrlar siyahısında olan şəxslər;
• Dövlət qulluğu vəzifəsinin tutulması üçün nəzərdə tutulan təhsil tələbi (istiqaməti) üzrə elmlər doktoru elmi dərəcəsi olan şəxslər.

• Təhsilə dair tələblər: humanitar və sosial ixtisaslar qrupu, iqtisadiyyat və idarəetmə ixtisasları qrupu, turizm və otelçilik, muzeyşünaslıq, arxiv işi və abidələrin qorunması ixtisasları üzrə ali təhsil
• İş stajına dair tələblər: yoxdur
• Kompüter biliklərinə dair tələblər: MS Windows, MS Office, İnternetdən istifadə (yüksək səviyyədə)
• Xarici dil biliklərinə dair tələblər: Rus dili-B1;İngilis dili-B1;