• Destinasiya səviyyəsində turizm sektorunda təlim ehtiyaclarının müəyyənləşdirilməsi fəaliyyətlərində iştirak etmək;
• Təlim və seminarların təşkili və icrası prosesində Agentlik, Büro və turizm assosiasiyalarını dəstəkləmək;
• Bütün təlim proqramlarını müntəzəm olaraq turizm sektoru tərəfdaşları ilə əlaqələndirmək;
• Təlim kurslarının hazırlanması və keçirilməsinə dəstək vermək;
• Əlavə təlimçilər ilə əlaqələr qurmaq; 
• Təlim iştirakçılarının davamiyyətinə və iştirakına nəzarət  etmək;
• Təlimlərin keçiriləcəyi yer və avadanlıqlarla bağlı logistik məsələlərin idarə edilməsinə dəstək vermək;
• Təlim nəticələrinin qeyd edilməsi və hesabat formasının hazırlanmasında iştirak etmək;
• Təlimlərin səmərəliliyinin  qiymətləndirilməsi üçün metodologiyanın hazırlanması və tətbiqinə nəzarət etmək;
• Təlim materialları və metodologiyası ilə bağlı rəy və təkliflər vermək;
• Təlim proqramlarının nəticələri haqqında rəhbərliyə müntəzəm hesabatlar təqdim etmək.

Ümumi müsahibədə aşağıdakı şəxslər iştirak hüququna malikdirlər:

• Vakant vəzifənin aid olduğu dövlət orqanında və ya digər dövlət orqanında inzibati vəzifələrdə qulluq keçən və inzibati vəzifələrin təsnifatına uyğun ixtisas dərəcəsi olan dövlət qulluqçuları;
• Azı 5 il qulluq stajı olan və dövlət orqanında inzibati vəzifələrdə çalışmış şəxslər;
• “Dövlət qulluğu haqqında” Azərbaycan Respublikasının Qanununun 2.3-cü maddəsində nəzərdə tutulan dövlət qulluğunun xüsusi növündə qulluq (xidmət) keçən və xüsusi (hərbi, diplomatik) rütbəsi olan şəxslər;
• “Dövlət qulluğu haqqında” Azərbaycan Respublikasının Qanununun 2.3-cü maddəsində nəzərdə tutulan dövlət qulluğunun xüsusi növündə azı 5 il qulluq (xidmət) stajı olan və xüsusi (hərbi, diplomatik) rütbə nəzərdə tutulan vəzifələrdə çalışmış şəxslər;
• Dövlət orqanlarında (qurumlarında) siyahısı Azərbaycan Respublikası Nazirlər Kabinetinin 2023-cü il 12 yanvar tarixli 7 nömrəli Qərarı ilə təsdiq edilən vəzifələrdə azı 10 il iş stajı olan şəxslər;
• Dövlət orqanının ləğvi, dövlət qulluqçularının sayının və ya ştatlarının ixtisarı ilə əlaqədar ehtiyat kadrlar siyahısında olan şəxslər;
• Dövlət qulluğu vəzifəsinin tutulması üçün nəzərdə tutulan təhsil tələbi (istiqaməti) üzrə elmlər doktoru elmi dərəcəsi olan şəxslər.

• Təhsilə dair tələblər: humanitar və sosial ixtisaslar qrupu, iqtisadiyyat və idarəetmə ixtisasları qrupu, turizm və otelçilik, muzeyşünaslıq, arxiv işi və abidələrin qorunması ixtisasları üzrə ali təhsil
• İş stajına dair tələblər: yoxdur
• Kompüter biliklərinə dair tələblər: MS Windows, MS Office, İnternetdən istifadə (yüksək səviyyədə)
• Xarici dil biliklərinə dair tələblər: İngilis dili-B1;Rus dili-B1;