• Təlim və maarifləndirmə proqramlarının hazırlanması və həyata keçirilməsi üçün sənaye ilə əməkdaşlıq qurmaq;
• Sorğu, şikayət və sənaye ilə əlaqədar məsələlərin həll edilməsində iştirak etmək;
• Turizm sənayesi ilə əlaqəli müxtəlif qurum və təşkilatlarla işləmək və onlara dəstək olmaq;
• Agentlik və Büronun müvafiq fəaliyyətləri üzrə sənayedən dəstəyin təmin olunması və prosesin asanlaşdırılmasına müfəssəl dəstək vermək;
• Turizm sənayesinin marketinq və təbliğat ehtiyaclarını müəyyən etmək;
• Regional turizm sənayesinə  marketinq və kommunikasiya fəaliyyətlərinin planlaşdırılması və həyata keçirilməsində köməklik göstərmək;
• DTA və ATB proqramlarının hazırlanması və tətbiqi üzrə müzakirələrin aparılması üçün sənaye mütəxəssislərinin müəyyən edilməsinə dəstək verilməsi və onlarla iş görüşləri təşkil etmək;
• Sənaye nümayəndələrinin təlim proqramları ilə bağlı məlumatlandırılması və müvafiq iştirakçıların təlimlərə qoşulmasını təmin etmək;
• Regional turizm sənayesi nümayəndələri  haqqında məlumat bazalarının idarə olunması, yenilənməsinə dəstək və ümumilikdə, regional turizm sənayesi şəbəkəsini əlaqələndirmək;
• Turizm sənayesində müxtəlif təyinatlı qiymətləndirmə və monitorinq fəaliyyətlərinin həyata keçirilməsinə köməklik göstərmək;
• Turizm biznesi, sənayesi və bazarı üzrə sorğu və araşdırmaların həyata keçirilməsində iştirak;
• DTA və ATB-dən gələn sorğulara əsasən, sahə səfərləri və qiymətləndirmələr aparmaq;
• Regional turizm sənayesi üçün yeni turizm məhsullarının hazırlanmasına dəstək vermək;
• Turizm məhsullarının inkişaf etdirilməsi məqsədi ilə müvafiq məlumatların əldə olunması və bu istiqamətdə turizm sənayesinin maraqlı tərəfləri ilə əlaqələr qurmaq;
• Turizm məhsulları və xidmətləri üzrə məlumat bazalarının mütəmadi yenilənməsini təmin etmək.

Ümumi müsahibədə aşağıdakı şəxslər iştirak hüququna malikdirlər:

• Vakant vəzifənin aid olduğu dövlət orqanında və ya digər dövlət orqanında inzibati vəzifələrdə qulluq keçən və inzibati vəzifələrin təsnifatına uyğun ixtisas dərəcəsi olan dövlət qulluqçuları;
• Azı 5 il qulluq stajı olan və dövlət orqanında inzibati vəzifələrdə çalışmış şəxslər;
• “Dövlət qulluğu haqqında” Azərbaycan Respublikasının Qanununun 2.3-cü maddəsində nəzərdə tutulan dövlət qulluğunun xüsusi növündə qulluq (xidmət) keçən və xüsusi (hərbi, diplomatik) rütbəsi olan şəxslər;
• “Dövlət qulluğu haqqında” Azərbaycan Respublikasının Qanununun 2.3-cü maddəsində nəzərdə tutulan dövlət qulluğunun xüsusi növündə azı 5 il qulluq (xidmət) stajı olan və xüsusi (hərbi, diplomatik) rütbə nəzərdə tutulan vəzifələrdə çalışmış şəxslər;
• Dövlət orqanlarında (qurumlarında) siyahısı Azərbaycan Respublikası Nazirlər Kabinetinin 2023-cü il 12 yanvar tarixli 7 nömrəli Qərarı ilə təsdiq edilən vəzifələrdə azı 10 il iş stajı olan şəxslər;
• Dövlət orqanının ləğvi, dövlət qulluqçularının sayının və ya ştatlarının ixtisarı ilə əlaqədar ehtiyat kadrlar siyahısında olan şəxslər;
• Dövlət qulluğu vəzifəsinin tutulması üçün nəzərdə tutulan təhsil tələbi (istiqaməti) üzrə elmlər doktoru elmi dərəcəsi olan şəxslər.

• Təhsilə dair tələblər: humanitar və sosial ixtisaslar qrupu, iqtisadiyyat və idarəetmə ixtisasları qrupu, turizm və otelçilik, muzeyşünaslıq, arxiv işi və abidələrin qorunması ixtisasları üzrə ali təhsil
• İş stajına dair tələblər: yoxdur
• Kompüter biliklərinə dair tələblər: MS Windows, MS Office, İnternetdən istifadə (yüksək səviyyədə)
• Xarici dil biliklərinə dair tələblər: İngilis dili-B1;Rus dili-B1;