Hüquq məsləhətçisinin əsas funksiyaları Azərbaycan Hava Yolları Qapalı Səhmdar Cəmiyyətinin fəaliyyətinə hüquqi xidmətin təmin edilməsi, qanuniliyə riayət olunmasına və QSC-nin mülkiyyətinin qorunmasına nəzarət, QSC-nin fəaliyyəti üzrə xarici qanunvericiliyin tənzimlənməsi və QSC-nin daxili normativ-hüquqi bazasının işlənib hazırlanması və təkmilləşdirilməsi, normayaratma sahəsində və hüquqi xarakterli digər məsələlərdə fəaliyyətdən ibarətdir.

Vəzifə öhdəlikləri:

• Hüquq şöbəsinə daxil olan əmr, sərəncam, təlimat, əsasnamə, hüquqi xarakterli digər sənədlərin layihələrinin qüvvədə olan qanunvericiliyin tələblərinə uyğun olaraq hüquqi eskpertizasını keçirmək;
• İddia ərizələri və digər məhkəmə sənədlərini hazırlamaq, hüquqi xarakterli məsələlər üzrə məhkəmə orqanları və digər rəsmi instansiyalarda QSC-nin maraqlarını təmsil və müdafiə etməkı;
• QSC-nin məhkəmə işlərinə baxılmasının nəticələri haqqında Hüquq şöbəsinin rəisinə dərhal məruzə etmək;
• QSC-nin struktur bölmələrində pretenziya işinin vəziyyətinə nəzarət etmək və bu sahədə metodiki rəhbərliyi həyata keçirmək;
• Azərbaycan Respublikasının qüvvədə olan qanunvericiliyinin və beynəlxalq hüquq normalarının yenilənməsi və dəyişikliklər edilməsi baxımından daimi monitorinqini aparmaq;
• QSC-nin əmr, göstəriş, təlimat, əsasnamə, digər hüquqi xarakterli daxili sənəd layihələrinin işlənib hazırlanmasında iştirak etmək;
• Vətəndaşların hüquqi xarakterli məsələlər üzrə müraciət, şikayət və təkliflərinə baxılmasında iştirak etmək;
• Lazımi hallarda müəssisənin maraqlarını müvafiq dövlət qurumlarında təmsil etmək.

İş şəraiti: 

• İş qrafiki: Həftənin 5 günü saat 09:00-dan 18:00-dək;
• Şənbə və bazar qeyri-iş günüdür;
• Bayram və matəm günləri qeyri-iş günüdür;
• Nəqliyyat şirkət tərəfindən təmin olunur;
• İş yeri-Heydər Əliyev Beynəlxalq Aeroportu.