Təyin olunduğu məntəqədə böyük inspektor tərəfindən təlimatlandırıldıqdan sonra fəaliyyətə başlamaq;
Aeroportun baş planını, kodlaşdırılmış sxemini və perronda yerləşən hava gəmilərinin kodlaşdırılmış dayanacaqlarını bilmək;
Təyin olunduğu posta (məntəqəyə) gəldikdən sonra texniki vasitələri, əmlakı siyahı üzrə qəbul etmək, texniki vasitələrin sazlığını yoxlamaq və çatışmazlıqlar barədə böyük inspektora və ya növbə rəisinə məlumat vermək;
Postda olan əmlakı, avadanlıqları, rabitə vasitələrini düzgün istifadə etmək;
Posta aid olan bütün sənəd və jurnallarda düzgün, səliqəli və vaxtında qeydlər aparmaq;
Bütün şəxslərin və nəqliyyat vasitələrinin nəzarət edilən və mühafizə edilən məhdud girişli zonaya keçməsini Baş İdarə tərəfindən müəyyən olunmuş buraxılış vəsiqəsi əsasında həyata keçirmək;
“Visitor” və ya istifadə müddəti bitmiş buraxılış vəsiqələrini geri almaq, müvafiq jurnalda qeydiyyat aparmaq və böyük inspektora təhvil vermək;
Nəzarət edilən və mühafizə edilən məhdud girişli zonalara qadağan olunmuş əşya və maddələrin keçirilməsinə yol verməmək;
Postun ərazisinə daxil olan hər bir şəxsin buraxılış vəsiqəsini yoxlamaq, kənar şəxsləri mühafizə etdiyi postun ərazisinə buraxmamaq;
Növbədə olarkən əməyin mühafizəsi, təhlükəsizlik texnikası və yanğından mühafizə qaydalarına riayət etmək.