Təyin olunduğu məntəqədə növbə rəisi (böyük inspektor) tərəfindən təlimatlandırıldıqdan sonra fəaliyyətə başlamaq;
Təyin olunduğu posta (məntəqəyə) gəldikdən sonra texniki vasitələri, əmlakı siyahı üzrə qəbul etmək, texniki vasitələrin sazlığını yoxlamaq və çatışmazlıqlar barədə növbə rəisinə (böyük inspektora) məlumat vermək;
Bütün şəxslərin və nəqliyyat vasitələrinin nəzarət edilən və mühafizə edilən məhdud girişli zonaya keçməsini Baş İdarə tərəfindən müəyyən olunmuş buraxılış vəsiqəsi əsasında həyata keçirmək;
Hər bir şəxsin özünə məxsus buraxılış vəsiqəsi ilə buraxılış nəzarət sistemindən keçməsinə nəzarət etmək;
“Visitor” və ya istifadə müddəti bitmiş buraxılış vəsiqələrini geri almaq, müvafiq jurnalda qeydiyyat aparmaq və növbə rəisinə (böyük inspektora) təhvil vermək;
Növbədə olarkən əməyin mühafizəsi, təhlükəsizlik texnikası və yanğından mühafizə qaydalarına riayət etmək;
Sərnişinlərə, aviamüəssisələrin işçilərinə və xidməti zərurətlə əlaqədar təhlükəsizlik zonalarına daxil olan digər şəxslərə müvafiq rəhbər sənədlərin tələblərinə uyğun olaraq aviasiya təhlükəsizliyinə dair baxış keçirmək (X-Ray qurğusu daxil).