• şöbənin fəaliyyətinə rəhbərliyi həyata keçirmək;
• şöbənin fəaliyyəti ilə bağlı iş planını tərtib etmək və müvafiq qaydada təsdiq edilməsini təmin etmək;
• şöbəyə həvalə olunmuş vəzifələrin vaxtında, keyfiyyətlə yerinə yetirilməsinə nəzarəti həyata keçirmək;
• şöbənin işçiləri arasında iş bölgüsünü aparmaq, fəaliyyətini və əlaqəli işini təşkil etmək; 
• şöbənin işçiləri tərəfindən əmək və icra intizamına əməl olunmasına, vəzifələrin vaxtında və düzgün icra edilməsinə nəzarəti həyata keçirmək;
• standartlaşdırma, metrologiya, texniki tənzimləmə, uyğunluğun qiymətləndirilməsi, akkreditasiya, keyfiyyətin idarə edilməsi sahələrində dövlət nəzarət və tənzimlənmə tədbirlərinin həyata keçirilməsinə nəzarət etmək;
• müvafiq sahədə dövlət siyasətinin formalaşmasında iştirak etmək və bununla bağlı Xidmətin rəhbərliyinə təkliflər vermək;
• müvafiq sahədə dövlət siyasətinin həyata keçirilməsini təmin etmək və dövlət siyasətinin həyata keçirilməsi zamanı aidiyyəti dövlət orqanları ilə əməkdaşlıq etmək;
• malın mənşə ölkəsinin müəyyən edilməsi üzrə ekspertizaların həyata keçirilməsi fəaliyyətinə nəzarəti təşkil etmək;
• ekspertizaların nəticələrinə uyğun olaraq, malın mənşə ölkəsini təsdiq edən sertifikatın verilməsini təşkil etmək;
• malın mənşə ölkəsinin müəyyən edilməsi ilə bağlı fəaliyyətdə normativ hüquqi aktların tələblərinə riayət edilməsinə nəzarəti təşkil etmək; 
• standartlaşdırma, metrologiya, texniki tənzimləmə, uyğunluğun qiymətləndirilməsi, akkreditasiya, keyfiyyətin idarə edilməsi sahələri üzrə rəqəmsal platformanın yaradılmasında iştirak etmək;
• şöbəyə daxil olan məktub, ərizə, şikayət və təkliflərə qanunvericilikdə nəzərdə tutulmuş qaydada və müddətdə baxılmasını təşkil etmək;
• şöbənin əməkdaşları barəsində həvəsləndirmə və intizam tənbeh tədbirləri görülməsi üçün xidmət rəhbərliyinə təqdimatlar vermək;
• lazım gəldikdə öz ixtisası hüdudunda rəhbərin göstərişi ilə əlavə işlər görmək;
• mütəmadi olaraq görülmüş işlər barəsində xidmət rəhbərliyinə hesabatlar təqdim etmək və s.
• Aylıq vəzifə maaşı 975

Ümumi müsahibədə aşağıdakı şəxslər iştirak hüququna malikdirlər:

•  
• Vakant vəzifənin aid olduğu dövlət orqanında və ya digər dövlət orqanında inzibati vəzifələrdə qulluq keçən və inzibati vəzifələrin təsnifatına uyğun ixtisas dərəcəsi olan dövlət qulluqçuları;
• Azı 5 il qulluq stajı olan və dövlət orqanında inzibati vəzifələrdə çalışmış şəxslər;
• “Dövlət qulluğu haqqında” Azərbaycan Respublikasının Qanununun 2.3-cü maddəsində nəzərdə tutulan dövlət qulluğunun xüsusi növündə qulluq (xidmət) keçən və xüsusi (hərbi, diplomatik) rütbəsi olan şəxslər;
• “Dövlət qulluğu haqqında” Azərbaycan Respublikasının Qanununun 2.3-cü maddəsində nəzərdə tutulan dövlət qulluğunun xüsusi növündə azı 5 il qulluq (xidmət) stajı olan və xüsusi (hərbi, diplomatik) rütbə nəzərdə tutulan vəzifələrdə çalışmış şəxslər;
• Dövlət orqanlarında (qurumlarında) siyahısı Azərbaycan Respublikası Nazirlər Kabinetinin 2023-cü il 12 yanvar tarixli 7 nömrəli Qərarı ilə təsdiq edilən vəzifələrdə azı 10 il iş stajı olan şəxslər;
• Dövlət orqanının ləğvi, dövlət qulluqçularının sayının və ya ştatlarının ixtisarı ilə əlaqədar ehtiyat kadrlar siyahısında olan şəxslər;
• Dövlət qulluğu vəzifəsinin tutulması üçün nəzərdə tutulan təhsil tələbi (istiqaməti) üzrə elmlər doktoru elmi dərəcəsi olan şəxslər.

• Təhsilə dair tələblər: sənayenin təşkili və idarə olunması, menecment, dövlət və bələdiyyə idarəetməsi, çoxişlənən malların texnologiyası mühəndisliyi, metrologiya, standartlaşdırma və sertifikasiya mühəndisliyi , hüquqşünaslıq ixtisasları üzrə ali təhsil
• İş stajına dair tələblər: dövlət qulluğunda 4 il struktur bölmənin və ya vəzifənin fəaliyyət istiqamətləri üzrə iş stajı və yaxud 6 il struktur bölmənin və ya vəzifənin fəaliyyət istiqamətləri üzrə iş stajı
• Kompüter biliklərinə dair tələblər: (MS WINDOWS, MS OFFICE, INTERNETDƏN istifadə ) – orta səviyyədə
• Xarici dil biliklərinə dair tələblər: Rus dili-B1;İngilis dili-B1;