İstehsal sahəsində fəaliyyət göstərən şirkət komandamıza peşəkar, məsuliyyətli və nəticəyönümlü Mühasib tələb olunur!

İş şəraiti

• Fəaliyyət sahəsi - İstehsal
• İş yeri - Bakı şəhəri, Səbail rayonu, Vəli Məmmədov küçəsi, ev 3
• İş qrafiki - Tam ştat, 5 günlük iş rejimi (09:00-18:00)
• Əmək haqqı - 1550 AZN və nəticələrə əsasən artım imkanı

Vəzifə öhdəlikləri

• Bu vəzifədə namizəd mühasibat uçotunun qanunvericiliyə uyğun təşkili və aparılmasına, gündəlik maliyyə əməliyyatlarının - gəlir, xərc, bank və kassa hərəkətlərinin uçotuna, elektron qaimə-faktura, hesab-faktura və müqavilələrin sistemli qeydiyyatına cavabdeh olacaq.
• Eyni zamanda bank əməliyyatlarının icrası, ödəniş tapşırıqlarının hazırlanması, əmək haqqı, məzuniyyət, ezamiyyət və digər ödənişlərin hesablanması, DSMF, işsizlik sığortası, icbari tibbi sığorta, vergi və statistika hesabatlarının vaxtında hazırlanıb təqdim edilməsi əsas funksiyalar sırasındadır.
• Namizəd debitor və kreditor borclarının uçotunu və təhlilini aparmalı, aylıq, rüblük və illik maliyyə hesabatlarını hazırlamalı, audit və yoxlamalar üçün tələb olunan sənədləri toplamalı və mühasibat arxivinin nizamlı şəkildə idarə olunmasını təmin etməlidir.

• Mühasibatlıq, maliyyə, iqtisadiyyat və ya uyğun sahə üzrə ali təhsil, mühasib vəzifəsində minimum 3 il iş təcrübəsi tələb olunur. İstehsal və ya ticarət sahəsində təcrübə üstünlük sayılır.
• Namizəd Vergi Məcəlləsini və əmək qanunvericiliyini yaxşı bilməli, 1C 8.3 proqramında sərbəst, MS Excel proqramında isə yüksək səviyyədə işləmə bacarığına malik olmalıdır. e-gov, e-taxes və e-qaimə sistemləri ilə iş təcrübəsi vacibdir.
• Analitik düşüncə, dəqiqlik, məsuliyyət və konfidensiallıq prinsiplərinə riayət bu vəzifə üçün əsas tələblərdəndir. Azərbaycan dili üzrə sərbəst bilik vacibdir; rus və ya ingilis dili biliyi əlavə üstünlükdür. İçərişəhər ərazisinə yaxınlıq namizəd üçün əlavə üstünlük hesab olunur.

Üstünlük verilən bacarıqlar

• İstehsal maya dəyərinin hesablanması üzrə praktiki təcrübə, idxal-ixrac və beynəlxalq əməliyyatlarla bağlı bilik, audit təcrübəsi və ya audit şirkətləri ilə iş bacarığı, həmçinin ACCA və ya CAP/CIPA kimi peşəkar sertifikatların mövcudluğu namizədin üstünlüyü hesab ediləcək.

Şirkət nə təklif edir

• Şirkət tərəfindən rəsmi əmək müqaviləsi, stabil və uzunmüddətli iş imkanı, peşəkar və dinamik kollektivdə çalışma mühiti, karyera inkişafı və təlim imkanları, vaxtında əmək haqqı ödənişi, eləcə də nəticələrə əsaslanan bonus və motivasiya sistemi təqdim olunur.

Maraqlanan namizədlər öz CV-lərini Müraciət et düyməsində qeyd olunan elektron poçt ünvanına göndərə bilərlər.