Aparıcı məsləhətçi (Şabran Regional İdarəsi)

Vəzifə Təlimatları:

  • daxil olmuş sənədlər və vətəndaşlardan daxil olan müraciətlərin kargüzarlıq qaydalarına müvafiq şəkildə qeydiyyatını aparır, onları aidiyyəti üzrə təqdim edir, sənədlərin icra edilməsində və icra vəziyyətinə nəzarət edilməsində iştirak edir, kadrlarla bağlı işləri həyata keçirir;
  • daşınmaz tarix və mədəniyyət abidələrində aparılan bərpa, rekonstruksiya, regenerasiya və konservasiya işlərinin normativ sənədlər əsasında aparılmasına qanunvericilik tələblərinə uyğun nəzarət edilməsində iştirak edir;
  • mədəni irsin inkişafı və bərpası üzrə respublika ərazisindəki tarix və mədəniyyət abidələrinin texniki vəziyyətinin araşdırılmasında iştirak edir;
  • daşınmaz tarix və mədəniyyət abidələri ilə bağlı tikinti quraşdırma işləri aparan təşkilatlarla müqavilələrin vaxtında bağlanmasına nəzarət edir, daşınmaz tarix və mədəniyyət abidələri üzrə yeni inkişaf layihələrinin, proqramlarının təhlili və hazırlanmasında iştirak edir;
  • beynəlxalq təcrübədən istifadə edilməklə, müasir metod və texnologiyaların tətbiq edilməsində iştirak edir;
  • daşınmaz tarix və mədəniyyət abidələrində aparılan arxeoloji tədqiqatlara nəzarət edilməsinin təşkil edilməsində iştirak edir;
  • müasir məlumat bazasının yaradılmasının, elektron müşahidə sistemlərinin tətbiq edilməsinin, abidələrin qeydiyyatının aparılmasının təmin edilməsində iştirak edir;
  • abidələrin siyahıya alınması və dövlət reyestrinə işlənməsi ilə bağlı məsələlərin həllində iştirak edir;
  • sahəsi  üzrə idarəyə daxil olan məktub və müraciətlərə qanunvericilikdə nəzərdə tutulmuş qaydada baxılmasında iştirak edir;
  • İdarə rəisinin tapşırığı ilə rüblük, yarımillik, illik hesabatlar hazırlayıb təqdim edir;
  • İdarə rəisi tərəfindən verilmiş tapşırıqları vaxtında və keyfiyyətlə yerinə yetirir.

Müsabiqənin müsahibə mərhələsində aşağıdakı şəxslər iştirak hüququna malikdirlər:

  • Dövlət qulluğunun müvafiq vəzifəsi üzrə test imtahanından keçdiyini təsdiq edən dövlət qulluğu sertifikatıqüvvədə olan şəxslər;
  • Dövlət qulluğu vəzifəsinin tutulması üçün nəzərdə tutulan təhsil tələbi (istiqaməti) üzrə elmlər doktoru elmi dərəcəsi olan şəxslər;
  • Müsabiqənin müsahibə mərhələsində iştirak etmək istəyən namizədlər 13 yanvar 2023-cü il tarixindən  13 fevral 2023-cü il saat 18:00-dək Mərkəzin internet portalında Dövlət qulluğu üzrə müraciət Formasını doldurmaqla qeydiyyatdan keçməlidirlər. Namizəd portala daxil etdiyi məlumatların və sənədlərin aktuallığını və tamlığını təsdiq etməlidir.

Namizədə tələblər:

  • Təhsilə dair tələblər: humanitar və sosial ixtisaslar qrupu, mədəniyyət və incəsənət ixtisasları qrupu, iqtisadiyyat və idarəetmə ixtisasları qrupu, texniki və texnoloji ixtisaslar qrupu üzrə ali təhsil
  • İş stajına dair tələblər: yoxdur
  • Kompüter biliklərinə dair tələblər: MS Windows, MS Office, internetdən istifadə (orta səviyyədə)
  • Xarici dil biliklərinə dair tələblər: yoxdur
  • Müsahibədə iştirak etmək hüququ verən sertifikat BB4

Keçid linkinə daxil olaraq müraciət edə bilərsiniz.

Oxşar Vakansiyalar
ads_desktop
ads_mobile