Azər-ilmə Xalçaçılıq Mərkəzi

1994-cü ildə yaranan, Azərbaycanın həyatında həm mədəni, həm də iqtisadi bir hadisə olan "Azər-İlmə" 20 il ərzində şərəfli yol qət etmiş, həm ölkə daxilində, həm də onun hüdudlarından kənarda bir çox uğurlar qazanmışdır. Azərbaycan xalçalarının unudulmaqda olan çeşnilərini bərpa etmək, milli xalçalarımızın bədii ənənələrini yaşatmaq və gələcək nəsillərə ötürmək, Azərbaycan xalçasının beynəlxalq miqyasda ticarətini təşkil etməklə layiqli şəkildə təbliğinə nail olmaq məqsədimiz, məramımızdır. Yarandığı vaxtdan bu məqsədə doğru addım-addım, ilmə-ilmə yaxınlaşan "Azər-İlmə" tarixən qədim toxuculuq mərkəzləri Abşeronda, Qarabağda, Qazaxda, Qubada, Gəncədə, Lerikdə, Şirvanda, Şəkidə emalatxanalar yaratmış, əsrlər boyu formalaşmış milli ənənələri ən yüksək səviyyədə yaşadaraq böyük nüfuz qazanmışdır. Hal-hazırda "Azər-İlmə"nin peşəkar xalçaçı-rəssamlardan, ustad toxuculardan, bərpaçı və boyaqçılardan, həmçinin peşəkar müəllimlərdən, respublikamızın müxtəlif bölgələrində faəliyyətini şirkətimizlə əməkdaşlıq zəminində quran toxuculardan ibarət 700 nəfərlik kollektivi var və şirkət məhsuldar yaradıcılıq axtarışlarını davam etdirməkdədir.

Ünvan

Azərbaycan, Bakı ş., AZ 1110, Şəmsi Rəhimov küçəsi, 2.