Gəncə Avtomobil Zavodu

Müəssisənin tikintisi 1989-cu ildə başa çatdırılmalı idi, 1990-cı ilin əvvəllindən isə artıq 1,5 tonluq yük avtomobillərin istehsalına başlanmalı idi. Layihəyə görə müəssisənin gücü il ərzində 30 000 avtomobil istehsalına bərabər olub. Lakin Sovetlər Birliyinin dağılması nəticəsində zavodun tikintisini yarımcıq qalır. Amma bütün çətinliklərə baxmayaraq 2004-cü ilin dekabrında Gəncə avtomobil zavodu işə düşür və müəssisədə yığımdan keçən ilk avtomobil işıq üzü ğörür. Zavodda VAZ 11113 «OKA» markalı avtomobillərin yığımına başlanılıb. Rusiyanın Naberejnıye Çelnı şəhərində yerləşən Azlitrajlı avtomobillərin istehsalı üzrə zavodundan gətirilən komplektləşdirici detallar əsasında Gəncə zavodunda «OKA»nın 3 modeldə yığımı təşkil olundu. Dekabrın 24-də müəssisənin konveyerindən ilk avtomobil düşür və bu hadisə şəhər səviyyəsində təntənəli qeyd olunub. Şəhər ictimaiyyətinə Gəncə avtozavodunun ilk məhsulunu müəssisənin rəhbəri şəxsən özü nümayiş etdirir. Zavodun birinci məhsulu Qarabağ döyüşçülərinə qismət olub. Ölkənin müxtəlif bölgələrində yaşayan 120 Qarabağ əlili və Böyük Vətən müharibəsi iştirakçıları Gəncə avtozavodunda yığılan «OKA» avtomobillərə sahib olub. Lakin «OKA» avtomobillərin istehsalı səmərə vermədiyinə ğörə bu maşının istehsalı dayandırılır. Ümumimilikdə, müəssisədə 314 «OKA» avtomobili istehsal olunub.

Ünvan

Azərbaycan Respublikası, Gəncə şəhəri, Sadıq Rəhimov küçəsi 1, AZ 2009;